Lesi quà prima de farte ricoverar al n ‘euro !!
In principio Dio crea el musso e el ghe dise:
“ Te sarè musso. Te lavorare sensa mai lamentarte,
dall’alba al tramonto, portando pesi sua gropa, te megnerè
erba, no te gaverè l’inteigensa e te vivarè fino a 50 ani. Te sarè musso.”
El musso ghe risponde:
“Sarò musso, però rivare a 50 ani xe massa, damene 20 “
El Signore dise “Va ben ! “
E ora Dio crea el can el ghe dise:
“ Te sarè el can. Te difendarè a casa de l’omo e te sarè
el so miliore amico, te magnerà queo che i te darà
e te vivarè 25 ani. Te sarè can “
El can ghe risponde:
“ Signore, vivare 25 ani xè massa par mi, dame 10 ani che me basta”
El Signore o acontenta.
E ora crea a simia.
“ Te sarè simia.”dixe el Signore “ Te saltare de rama
in rama fasendo a paissa te divertirè tutti e te vivarè 20 ani”
“ Signore vivare 20 a xè dura, damene sooo 10 de ani”
“ Concesso dise el Signore”.
Finalmente Dio crea l’ omo el ghe dise:
“ Te sarà omo. L’unico essere bon de rasionare
sua facia dea tera, te userè l’inteigensa par comadarghe ae bestie,
te dominare el mondo intiero te vivarè 20 ani.
Risponde l’omo:
“ Signore sarò omo ma vivare 20 ani me par pocheto,
dame i 30 ani che el musso ga rifiutà, i 15 che el can no ga vissuto
e i 10 ani che a simia no ga acetà”
Cussi el signore ga fato.
Da allora l’ omo vive 20 ani da omo, el se sposa e passa 30 ani da musso,
lavorando e portando tutto il peso dee fameia soe spae.
Dopo quando i fioi va par conto suo el vive 15 ani da can,
tendendo e magnando queo che ghe vien da par dopo rivare a essere vecio,
'ndare in pension e vivare 10 ani da simia saltando de casa in casa,
de fiolo in fiolo e fasendo el papasso par far divertire i neodi.
Stramasso